TVB五大小生 林峯、马国明、黄宗泽、吴卓羲、陈键锋 边个走样最夸张？

近来林峯传出好消息，话早就同现任女友张馨月喺香港秘密注册结婚，如果系真就真系要恭喜！数返手指，同林峯同期嘅TVB小生仲有马国明、黄宗泽、吴卓羲、陈键锋，大家都曾经叱吒TVB一时，不过如今就各有发展，有啲就继续留喺TVB做一哥，不过感情路就差啲、有啲就北上掘人仔……如果硬要比较，看似林峯事业爱情最得意，不如睇下呢五位小生嘅近况，唔知大家又觉得边个喺娱圈捞得最掂？

　　TVB五大小生近况1. 林峯

　　TVB五大小生入面，保养得最好嘅都可以话系今年已年届39嘅，大家睇佢喺ig po自己完全冇美图过嘅自拍照，就知佢几有自信啦！虽然有啲须，但只觉佢系增加咗男人味，完全唔显老，皮肤都冇皱皮，都可以话系经得起考验！

　　近排忙紧拍《使徒行者3》嘅佢，上镜依然年轻，啲皮肤紧致到一个点，笑起上嚟都唔觉「佬」！

　　著返套西装，直头型啦！

　　再睇返初出道嘅佢，林峯除咗少咗份稚气，同埋靓仔咗劲多之外，都几乎真系冇乜点变！

　　走样指数：1/5

　　TVB五大小生近况2. 马国明

　　马国明系TVB五大小生之中，唯一一个仲留喺TVB做主要发展嘅男星，而家仲已经系TVB一哥，几乎所有有佢主演嘅电视剧都大收旺场，早排仲拎场「最受欢迎电视男角色」，观众缘劲佳，难怪被封为「TVB荀盘」之一！

　　今年45岁嘅马明，唔单止身材仍然系高高瘦瘦，文质彬彬咁keep得咁好，个样都依然非常襟老，唔讲真系以为佢今年得18岁咋！

　　可惜情路堪坷，入行咁耐，爱得最高调兼之前都有透露过想成家立室嘅Ex黄心颖竟然背住佢出轨，偷食对象仲要系天后嘅老公许志安，对马明嚟讲都唔好话唔伤！

　　不过，可能被出轨都有被出轨嘅好，就系可以再去揾个更好嘅对象囉！所以而家TVB荀盘嚟讲，马明都可算系位列第一?，好女仔就快啲主动出击喇！

　　睇返马明拍《冲上云宵》